الإثنين, أغسطس 15, 2022
  • اتصل بنا
  • الاخبار
  • الرئيسية
  • سياسة الخصوصية
  • من نحن
صحيفة ترياق الإلكترونية
  • الرئيسية
  • اخبار
    • حوادث وجريمة
    • فنية
    • رياضة
    • حول العالم
    • عالم حواء
    • علوم وتكنلوجيا
  • اقتصاد
  • منوعات
  • سياحة وآثار
  • تحقيقات
  • اعمدة
  • تقارير
  • حوارات
No Result
View All Result
صحيفة ترياق الإلكترونية
  • الرئيسية
  • اخبار
    • حوادث وجريمة
    • فنية
    • رياضة
    • حول العالم
    • عالم حواء
    • علوم وتكنلوجيا
  • اقتصاد
  • منوعات
  • سياحة وآثار
  • تحقيقات
  • اعمدة
  • تقارير
  • حوارات
No Result
View All Result
صحيفة ترياق الإلكترونية
No Result
View All Result
Home اعمدة

عادل سيد أحمد.. يكتب.. ” الليلة حأبيت في الشارع” جمعة الرفق بالرجل.. الكيزان لا النسوان!!

9 أكتوبر، 2020
in اعمدة
0
عادل سيد أحمد.. يكتب.. ” الليلة حأبيت في الشارع” جمعة الرفق بالرجل.. الكيزان ولا النسوان.. !
0
SHARES
45
VIEWS
Share on FacebookShare on Twitter

…..إستراحة الجمعة…..

  • (الليلة،حا أبيت في الشارع)
  • جمعية”الرفق بالرجل”..!
  • الكيزان..ولا النسوان..”ولا يفل الحديد إلا الحريم”..!
    بقلم” الفدائي”:عادل سيد أحمد
    سأكون أنا(مسيح الرجال)،حيث أقدم نفسي “قرباناً” ل(النصف الفاضي) من الكوب..!
    ويحصل اليحصل..
    شكلي الليلة،حا أبيت في الشارع..
    زمااااااان المرا،لمن تتشاكل مع راجلا.. بتمشي تبيت في بيت أبوها..
    أسي (الراجلة)لمن تتشاكل مع(مرتا)..
    بيمشي هو يبيت في بيت أبوها..!
    أنا الليلة شكلي حا (تبيت)،في بيت أبوي..!.
    ،،،،،،،،
    بيد أنَّ(حتى الأمثال والحِكم)،أصبحت مصمَمة”ومصمِمة” أن تكون ضد الرجل..!
    لا شك عندي أنَّ مقولة(النصف الحلو)،وضعتها المرأة أو مايعادلها من (أشباه الرجال)، “بالجنيه السوداني”!
    فعندما(يتعمدن) قول عبارة(النصف الحلو)،فإنَّ ذلك يسوقك – وعلى الهواء مباشرةً – لعبارة(النصف الشين)..وهم نحن(الرجل الفضل)..!
    إيه حكاية
    (الأنصاف)ال شبكوها فينا دي..؟!
    عشان كدا،
    بقينا(أنصاف رجال)..!
    لقد تدهورنا كتير..وتحولنا بقدرة(قادرة) من(كامل الأوصاف، إلى كامل الأنصاف)!
    وحسبنا الله ونعم الوكيل..!
    الله في..!
    وبشر الصابرين..!
    والتسوي المرا في راجلا..تلقى في جلدو..!
    ،،،،،،،،،
    الرجل أصبح مقهوراً..ويحتاج إلى جمعيات(الرفق بالرجل)..!
    بقينا نقتنع ونخضع،لأي شئ..
    مرة في بتاعة فواكه(في أبو حمامة)،هرشتني..
    وأقنعتني،إنو الدسته فيها”٩” بُرتكانات..!
    إشتريت منها،
    وأنا(خاضع ذليل)..
    مشيت منها مبسووووط،من غشتي..!
    بس ما خليت حقي.. باقي الدسته،قعد نشيلو منها،
    “زنديه”..
    الفُرجه مجانيه:
    البُرتكان نهدك مدردم..!
    نهدك الما رَضع جِني
    ووب على أُمك ووبين علي..!
    والحمد لله،النظام العام(إتلغى)..!
    أما البرتكانه ال “التالته”،عافيتا ليها، لوجه الله تعالى..!
    كان جينا للجد..
    هي الدايره مني..!
    ،،،،،،،،،
    هل يعلم(حمدوك) أنٌّ “المتأثر الأول”، وربما الأوحد،من (ضغوط الحياة)،هو الرجل:
  • من غيرنا،ال بيشتغل ويتعب..
    ويشيلوا منو
    (الماهية)..؟!
  • من غيرنا،لمن “الولد”يمرض بالليل.. بيجري بيهو الحوادث..وهناك
    (الدكتورة..!)تقول ليك(جيب الحقنة والقُطنة والدرب)؟!
    .. وأمشي أعمل
    (موجات صوتية)..
    وجيب معاك
    (قزازتين دم،وواحد بلازما)..
    وأعمل معاك(فحص كورونا)..وما تنسى تعمل ( CT scan) للملاريا والدسنتاريا والبلهارسيا..
    وموجات فوق الصوتية ل(البروستاتة)..!
    وجيب معاك(شهادة بحث،بغرض البيع)..وشهادة فقدان..وبدل فاقد كرامتك..!
    وكرت حمى صفراء..
    و فحص DNA
    (يمكن الولد يكون، ما ولدك)..!
    ولمن تسألها عن(نتائج الفحوصات)،تقول ليك:(مبروك..في حِمل)..!
    ،،،،،،،،،،،
  • من غيرنا بيدفع(مصاريف المدرسة)..ولازم تدفع(بالتي هي أحسن،رسوم الزي المدرسي)..وما عادت مقولة(ال بجيك متحزم،
    تجيهو عريان).. فالوضع(جوا)،بطال جداً..فقد أصبحنا:
    (من بره هلا هلا.. ومن جوا،قاعدين في السهلا)..!
    ،،،،،،،،
  • من غيرنا(بيشرِكوا ليهو)، بالليييييييل.. بعدما العيال ينوموا، لتبدأ(الوردية القاضية) – وليست الثانية –
    “إجباري”..
    تعبان..ما تعبان.. صابنها..؟!.
    ،،،،،،،،،
    الرجل بيعاني..وكنا مأملين في(الوحش) “ترامب”..ولكنا، إكتشفنا أنَّه (غواصة وبتاع عواسة)..
    بدليل:
  • الوليه بتاعتو، زعلانه منو،لانو مشغول عنها بالسياسة..فأمرته بأنْ يعمل فيها إنو عندو(كورونا).. فخضع..وأعلن أنَّه سيبقى – في البيت – “لحين السداد..! “،(محجوراً محجوزاً محسوراً محشوراً مدحوراً) – زي الكلب – لمدة إسبوعين..!
    ترامب عامل عيان:
    يا زول على مين..
    يا ما نافعين..!
    الله يستر،ما يطلع لينا ب(ترامبات
    جديدة)..!
    دا لو ماطلع مأسورة..
    والناس القبيحين ديل،مرات بيطلعوا (فالصو)..
    وبصراحة شديدة (نظرات ترامب لنتنياهو)،ماااااا مريحاني..!
    شوف عيني،مرة ترامب “غمز” لنتينياهو..
    وشوف عيني(ال حا ياكلا الدود دي)، نتنياهو”قرصو” في حته(طالع نازل):
    “كبرا.. كبرا.. بالباب الورا”..!
    ،،،،،،،،
    إنَّ الوضع الرجالي الحالي،في خطر عظيم..
    ما عاد ينفع معه(الهروب للخلف)..
    فقد لاحظنا أننا(كالمستجير من الرمضاء بالنار)..
    ،،،،،،،،،
    ما عندي شك أنَّ (صلاة العشاء،عند الرجال)،ماقعد تقوم من “قد الواسطه”..
    ذلك لأنهم(من بعد المغرب)،يبتدو يفكروا في(الهروب)
    ل”ست القهوة”..!
  • لماذا؟! :
  • عشان يظبطوا الراس؟!

كضباً كاضب..!

  • السبب شنو، طيب؟! :

السبب “الحقيقي”،إنو (ست الشاي)،حلاة وحَمار..

  • بعدين(القومة) بتاعتا،أخطر من(القومه للوطن)..!
  • تبتسم ليك..وإنت محروم من الإبتسامة..
  • ولمن تنزل ليك القهوة..
    لا حول ولا قوة إلا ب(رب الجمال)..!
    وأنا ما بفسر..
    وإنتَ ما بتقصر..!
    ،،،،،،،،
    لا يفل الحديد،إلا الحريم..!!

أحدث الأخبار

أمريكا تدعو الخرطوم وجوبا لوقف الأعمال الانتقامية بمنطقة أبيي
أبرز المواضيع

صحيفة أمريكية: واشنطن قلقة من التدخل الروسى الإماراتي في السودان

15 أغسطس، 2022

رهنت صحيفة “فير أوبزيرفر الأمريكية” زيادة المساعدات الأمريكية إلى السودان حال رغبت واشنطن في تحجيم الوجود الروسي الإماراتي بالبلاد. وقالت...

Read more
مولانا الميرغني: ضرورة العمل المشترك من أجل المحافظة على الوطن وتماسكه

الاتحادي الأصل يوجه دعوة للأمم المتحدة بشأن الانتخابات

15 أغسطس، 2022
مريم المنصورة ناطقا  رسميا باسم مجلس شركاء الفترة الانتقالية

مريم الصادق تكشف عن قرب التوصل إلى اتفاق سياسي

15 أغسطس، 2022
مصر تدين المحاولة الانقلابية الفاشلة بالسودان وتؤكد دعمها لمؤسسات الخرطوم

سامح شكري: حريصون على التعاون مع السودان

15 أغسطس، 2022
ابراهيم الشيخ : على البرهان أن يتنحى وشراكتنا مع الجيش قائمة

سناء حمد لـ(إبراهيم الشيخ): جميعنا بحاجة لتقديم التنازلات

15 أغسطس، 2022

جميع الحقوق محفوظة - ترياق نيوز 2021م

No Result
View All Result
  • الرئيسية
  • اخبار
    • حوادث وجريمة
    • فنية
    • رياضة
    • حول العالم
    • عالم حواء
    • علوم وتكنلوجيا
  • اقتصاد
  • منوعات
  • سياحة وآثار
  • تحقيقات
  • اعمدة
  • تقارير
  • حوارات

جميع الحقوق محفوظة - ترياق نيوز 2021م