سارة شَمس المعارف.. تكتب.. “في آمنة” أبشرن آ بنات الليلة نحنا حكمنا!!

سارة شمس المعارف تكتب…

دعمآ للمرأه و لكل نساء بلادي أينما كن و تأييدآ لتعيين المرأه في منصب الوالي
….
بكتب قولي فوق ست المحاسن أمنه
بت عز الرجال إتقدمت قدامنا
فيها القوة فيها شهامه أيضا كامنة
نهر النيل تنوم بعد القرار مطامنه
….
شايفه في ناس كتار بعد القرار زعلانه
كيف تحكم مرآه وكيفن تصونها مكانه
المرآه من قديم ملكه وأمان و حصانة
في الدين الحنيف المولى عظم شآنه
….
ياما رجال كتار مسكوا الإدارات قالو
ماشفنا الفعايل إلا حسن حالو
المرآه هي البتصبر بالسنين الطالو
ياما رجال مكانات بسببهن نالو
….
نحن بنفتخر في دار جعل بمرتنا
قدامه الرجال ووراها صوت ثورتنا
ضلك وتوب ضراك وكتين تقوم عركتنا
راضين بالحكم ما إنتي ياك حقتنا
….
الحكم القوي ما عمه أو دبورة
المنصب كبير ماساي فلاحه وصوره
ماتخلي الخسيسين يلعبوبك كورة
نحن وراك وقدامك أكيد منصورة
….
زغردن أ بنات الليله نحن حكمنا
ماشيتن جديد من بدري نحن مسكنا
التاريخ بيشهد في الحضارات كنا
ملكات من زمان أسياد قرار لازلنا
….
و أبشري فوق مكانتك يالبتوزني كفه
نهر النيل معاك حوليك حا تتلفا
بت أهلآ عزاز لابسه المكارم عفه
إسمك أمنه قدفي و ألقي لينا الضفه
….