بورتسودان . ترياق نيوز _ عازة ايرا
بعد انتهاء المهلة التي منحها لهم الوالي عمال الشحن والتفريغ خارج البواخر يهددون بالاضراب العام علي خلفية مطالبتهم بزيادة الاجور بنسبه 500٪ .
خلفيه الاحداث :
مجموعة من عمال الشحن والتفريغ طالبوا الوالي بزيادة الاجور 500٪ ووعدهم الوالي بتنفيذ مطالبهم بعد ١٥ يوم .
وهنالك مجموعة أخرى منهم طالبت الوالي بزيادة الاجور بنسبه 100٪ ومنحت الوالي مهلة حتى بعد العيد .
العمال في حالة غضب شديد بسبب عدم تنفيذ الوالي لمطالبهم وهذه مطالب حقيقية ، الوضع الاقتصادي صعب واجورهم متدنية ومافي جهة تريد تنصفهم ، العمال ديل دايرين حقهم فقط .
عمال الشحن والتفريغ خارج البواخر بيعانوا شديد بسبب غياب النقابه وعدم وجوده هيكل واضح ليهم .
في فتره الصراع الاخير شريحه عمال الشحن والتفريغ داخل وخارج البواخر من اكتر الشرائح الاتاثرو بالصراع ده وخلق منهم مجموعتين مجموعه مع المجلس الاعلي ومجموعه ضده ودا خلا انو حتي المطالب بقت مختلفه كل فئة بتطالب بي حاجه غير التانيه .
نقابة عمال الشحن والتفريغ من اكتر النقابات الكان منتسبين النظام البائد ماسكنها ومشغلنها شغل سياسي ومغيبين مصلحه العاملين تماماً ، والحصل الان انو قعد يُدار شغل سياسي برضو في تغييب واضح لمصلحة عمال الكلات .
ولتفادي الشقاق ده ممكن يتم انشاء كتله مينائيه تتكون من المجتمع المينائي وعمال الشحن والتفريغ بمجموعاتهم المختلفه يبقوا جزء منها وتشتغل شغل نقابي مطلبي حقيقي بدل المتاجرات .
القوي الثوريه الموجوده علي المستوي الولايه لازم تقيف مع العمال ديل لنيل حقوقهم ، واعتقد انو الاضراب غاب قوسين او ادني والوالي ما قادر ينصفهم بسبب سيطره جماعه عليه .